Hûn bixêr hatin! Her pirsa di serê we de hun dikarin bipirsin, ji bo pirsên endamên dîtir, bersivan binivîsin an jî zanyariyên dîtir belav bikin.
0 deng
169
Di beşa Xwarin de (7.5k nirx)

2 Bersiv

+1 deng
(7.5k nirx)
hilbijart
 
Bersiva herî baş
Hecî Zembûr
Hecî Zembûr, kufteya bi zembûrê ya Semsûrê navê kufteyeke pêjgeha kurd e. Pirranî li parêzgeha Semsûrê tê xwarin.
Li rojhilatê Kurdistanê, parêzgehên Amed, Ezirgan, Qers, Sêrt û gelek deverên başûrê Kurdistanê biharbêhna zembûr di kufteyan de tê bikaranîn. Ji zembûrê re herwiha cehter, catirî, awîşen jî dibêjin.
Berkeliya Hecî Zembûrê
    2 KX (kevçiyê xwarinê) rûn
    1 KŞ (kevçiyê şîraniyê) îsota sor
    1/2 pîvan têkela kufteyê ya Rihayê
    250 gr tîkogoşt
    1/4 SA (stekana-qedeha avê) nok
    6 SA av
    1 KŞ xwê (solin)
    1/2 SA awîşena (zembûr) hûrkirî
    1/2 kg mastê parzûnkirî
    2 dd (dendik) sîr
Amadekirin
Ji êvar de nokên xwe bikin avê, bi qasî 8 katjimêrî bila di avê de bimînin. Bi tevî goşt nokan bidin ser agir. Kefa wê bigirin, heya nermijî bûn, bixaşînin. Xwêyê pê werbikin.
Ji têkela kufteyê kufteyên bi qasî bindeqê çêbikin. Di nava ava şor de van kufteyan bi qasî 4-6 deqeyan biqaşînin. Kufteyan berdin nava goştê li ser agir dikele.
Awîşenê tevlî xwarinê bikin, heya awîşen nermijî bûn, bikelînin û ji ser agir daynin. Sîrê bikutin. Ji ava xwarinê hinekê bigirin, bi wê mast ron bikin. Sîr û masta xwe berdin ser xwarinê û li binikên servîsê belav bikin.
Di nava rûn de îsota sor biqijilînin wê jî berdin ser binikan. Êdî dikare bê servîskirin, xwarina we amade ye.
0 deng
(300 nirx)
seet xweş bo bersiva te
...