Kadri Yildirim

Question

Prof.Dr. Kadri Yildirim kî ye?
Kengî bûye,
kengî koça dawî kir
Berhemên Kadri Yildirim

Answer 1

Zeynelabidîn Zinar...

MIXABIN
MIRINÊ QEDRÎ YILDIRIM JÎ HINGAVT

Mixabin îro Prf. Dr. Qedrî Yildirim jî wefat kiriye û çûye ber dilovaniya Xwedayê mezin.
Çendî ku mirin zagona jiyanê ye lê wisa zû û bi lez ne babetê hin kesên çalak, zîrek û xebatkarê Çanda Kurdî ye. Lê hin caran mirin diçe ser navnîşanên şaş û astengî jî jê re çênabe.
 
Pir heyf bû ku niha Qedrî Yildirim çû.
Diviya hin salên din jî xizmeta Çanda Kurdî kiribûna.

Mirina bêbext diviya ku hinek li derd û kulên jiyana Qedrî nihêrtiba, ji aliyekî ve ku hêj nû ew ji ber pêlên bêbextiya Coronayê derketibû, ji aliyê din ve jî nîvcomayîna proje û bernameyên wî yên li ser Çanda Kurdî, diviyabû nehatiba.

Em ji bo Qedrî çi bêjin, hindik e…
Neteweyê Kurd lawekî xwe yê hêja wenda kir.
Bêguman cihê ku jiyan lê hebe, wê mirin jî lê çêbibe.

Bila serê malbata wî, yê xizm û dostên wê û yê Neteweyê Kurd sax be.
Xwedayê mezin şûna Prof. Dr. Qedrî Yildirim vala nehêle û wî pêrgê dilovaniya xwe bike…

26/ 03/ 2021

Answer 2

Mamoste Prof. Dr. Kadrî Yildirim koça dawî kir
9 demjimêr berê
RÛDAW

Mamoste Prof. Dr. Kadrî Yildirim koça dawî kir
Hewlêr (Rûdaw) - Zimanzan û nivîskarê Kurd Mamoste Prof. Dr. Kadrî Yildirim ku bi sedema xwînrijiyabû ser mêjiyê wî, li Ameda Bakurê Kurdistanê rakiribûn nexweşxaneyê û di bin çavdêriya hûr de bû, îro di demjimêrên êvarî de koça dawî kir.

Zimanzan, dîroknas û nivîskarê Kurd Mamoste Prof. Dr. Kadrî Yildirim di 23 Adarê de ji ber xwînrijiya ser mêjiyê, wî li Ameda Bakurê Kurdistanê rakiribûn nexweşxaneyeke taybet û wî kiribûn bin çavdêriya hûr lê îro berê êvarê koça dawî kir.

Mamoste Prof. Dr. Kadrî Yildirim di meha Berfenbara 2020an de jî bi koronayê ketibû û ji ber wê yekê demeke dirêj di nexweşxanyê de mabû.

Answer 3

Siyasî
Prof. Dr. Kadrî Yildirim koça dawî kir
Nivîskar û siyasetmedarê Kurd Prof. Dr. Kadrî Yildirim îro li nexweşxaneyeke Diyarbekirê koça dawî kir. Kurdistan24 Hewlêr  
 15 Demjimêran
      
Prof. Dr. Kadrî YildirimProf. Dr. Kadrî YildirimKurdistan Prof Dr Kadrî Yildirim
Navenda Nûçeyan (K24) – Nivîskar û siyasetmedarê Kurd Prof. Dr. Kadrî Yildirim îro li nexweşxaneyeke Diyarbekirê koça dawî kir.

Parlamenterê berê yê bajarê Sêrtê û akademîsyen Kadrî Yildirim du roj berê ji ber nexweşiya xwînbûna mejî, ew rakiribûn nexweşxaneyê.

Prof. Dr. Kadrî Yildirim li nexweşxaneyeke taybet a Diyarbekirê tedawî dibû û ji ber giraniya nexweşiyê, îro koça dawî kir.

Hat ragihandin ku cenazeyê Kadrî Yildirim dê li navenda Diyarbekirê li Goristana Yenîkoyê were veşartin.

Nivîskarê Kurd Prof. Dr. Kadrî Yildirim çend meh berê jî bi vîrusa Koronayê (Covid-19) ketibû û ji vê nexweşiyê rizgar bûbû.

Prof. Dr. Kadrî Yildirim kî ye?

- Di 5ê Sibata 1959an de li Diyarbekirê jidayîk bûye.

- Li Zanîngeha Heranê ya li Rihayê, Fakulteya Îlahiyatnasiyê xwendiye.

- Li Zanîngeha Dîcleyê ya li Diyarbekirê li Fakulteya Îlahiyatnasiyê mamostetî kiriye.

- Li Zanîngeha Artuklu ya li Mêrdînê, wek Cîgirê Rektor xebitî. Di heman zanîngehê de Koordînatoriya Enstîtuya Ziman û Çanda Kurdî kir.

- Li Zanîngeha Dîcleyê di sala 2010an de, bû profesor.

- Prof. Dr. Kadrî Yildirim zimanên Kurdî, Erebî û Farisî dizanî û 14 pirtûkên wî û gelek gotarên wî yên akademîk hene.

- Di sala 2015an de jî, bûbû Parlamenterê Sêrtê yê Partiya Demokratîk a Gelan (HDP).