Ji başûr rojavayê Kurdistanê bajarokê Girkê...">
Hûn bi xêr hatin! Her pirsa di serê we de hun dikarin bipirsin, ji bo pirsên endamên dîtir kirî bersivan binivîsin an jî zanyariyên dîtir parve bikin.

Kemal Necim Kî ye?

+8 deng
114
23 Sibat 2016 Di beşa Wêje de Azad Efrîn (350 nirx) pirsî
7 Nîsan 2016 Hertişt rastkir

9 Bersiv

+4 deng
23 Sibat 2016 Azad Efrîn (350 nirx) bersiv da
4 Adar 2016 Agirî Soran hilbijart
 
Bersiva herî baş

Ji başûr rojavayê Kurdistanê bajarokê Girkê Legê ye di slal 1970 ji dayikbûye

Kemal Necim helbestvane berhevoka xwe ya yekê ya bi navê Kezîzer li Bêrûtê ji weşanxaneya Amerda di sala 2002'an de weşand

Berhevoka wî ya diduyan a bi navê Bîstikek Guneh di tîrmeha 2006'an de li Şamê hate weşandin

http://www.kurdipedia.org/?q=20140916145208115945&lng=11

https://ku.wikipedia.org/wiki/Kemal_Necim

+2 deng
24 Sibat 2016 Serkeftin Xemgin (370 nirx) bersiv da

Hevpeyvîn : Hozan Emîn- Ji başûr rojavayê Kurdistanê bajarokê Girkê Legê ye di slal 1970 ji dayikbûye.

Berhevoka xwe ya yekemîn bi navê (KEZÎZER) li Bêrûtê ji weşanxaneya AMERDA sala 2002 an de weşand. Berhevoka wî ya diwemîn bi navê (Bîstikek Guneh) di tîrmeha 2006 de li Şamê hate weşandin.

Me delîve dît em li ser nivîskarî û hebestên wî çend pirsan pêre parvebikin, û bi sipasîbersiva me de .

 

-      Di destpêkê de Bi  çend peyvan be jî, Kemal Necim xwe çilo dide nasîn ?

-         Li girkêlegê çêbûm, li wir mezinbûm, di 20 saliya xwe de li pey şopa azadî, welat û şoreşê ji gund derketim. navê min yê rastî Necim e, Kemal jî navê min yê pêvajoya têkoşîna siyasî û şoreşgeriyê bû, çaxê ku min helbestên xwe yên pêşî  weşandin min dît ku temenê min dinav herdû navan de hatiye parvekirin, herdû temen jî yên min bûn û herdû nav jî, wisa navê min bû Kemal Necim, û ez mam bê paşnav....!

-          Ti li ku ye !  pêjna te ji zûde nayê di nav qada edebiyatê?

-         Ez niha li girkêlegê me, temenê xwe yê sêyemîn diajom, sê zarokên min û du berhevokên helbestan hene. Wekî dî bêmal û bêkar im.

Lê li ser pirsa ku pêjna min nayê di nav qada edebiyatê de?

Van çend salên dawî, ji hêla rejîma vî welatî çewisandineke mezin hebû li ser Kurdan, vê rewşê bandora xwe li qada çand û toreyê jî kiribû, ji ber vê jî tenê qadek li pêşiya me mabû ewjî malperên internet ê bûn. Min car caran helbestên xwe li wir diweşandin. Lê bi rastî jî pêjna min nayê, ez ticarî beşdarî mihrîcana helbesta kurdî nebûm ku salane li vir lidardikeve. Min ti şevbuhêrkên helbestê jî çênekirin, tevî ku carna komên çandî û rewşanbîrî yên herêmî ez vexendibûm jî, ji ber ku li vir çanda guhdarkirina helbestê tuneye. Ew çand heye ku tu herê şevbuhêrekê û çend helbestên xwe ji bîst sih camêrî re bixwînî û paşê li şûna xwe rûnê û guhdarî nirxandin û rexneyên wan bikî. Li vir ji mafê herkesî ye ku helbestê binirxîne û rexne bike.

 

-      Te kengî dest avêt karê nivîsînê, û fekterên serkî çibûn ?

-         Min di nîvê salên notî de bi helbestê dest bi nivîsê kir. Ji bilî do yan sê helbestên min yên destpêkê ku niha li ba min tunene û nayên bîra min jî, ji bilî wan, tişta min nivîsî min weşand û tişta hatî weşandin min ew di berhevoka xwe (Kezîzer) û paşê jî di berhevoka (Bîstikek Guneh) de berhev kirin û çap kirin. Roja îro di tûrikê min de ji bilî 10 helbestan tuneye, ewjî di malparan de hatine weşandin, ew 10 helbest derbirîna min a 5 salan e.....!

 

-          Te çima helbest hilbijart , ji nav meydana dahênanê ?

-         Çima helbest, ez vê nizanim, û nizanim bêjim ku min ew nehilbijart wê ez hilbijartim û helbastê çi bi serê min kir û çi nekir. Ya rastî çaxê min destp bi nvîsandina helbestê kir min jibilî wê nizanîbû, ji xwe paşzemîna min a çand û toreya kurmancî wê çaxê tenê helbest bû.

-       

0 deng
24 Sibat 2016 Serkeftin Xemgin (370 nirx) bersiv da

   Tê zanîn ti helbesta nûjen dinivîse, asta wê wê di çi radeyê de ye ?

-         Asta helbesta min, lê asta helbesa nûjen..?

-          Herdû..

-         Ez jî dinav de, niha li vê deverê gelek hewildanên wêrek hene ku di baweriya min de wan ta radeyekê helbesta kurmancî ya nûjen bi pergal kirine. Di destpêkê de hinek arîşe, pirsgirêk  û çewtî hebûn di derbirîna helbesta nûjen de, ku pirek ji helbestvanan di bin sîwana hinek têgehên şaş de dest avêtin nûjeniyê, ji wan têgehan yek jê ewbû ku nûjenî tenê di awa û şêweya nvîsê de didîtin, ango çi helbesta bê kêşe û bê terazû be ew nûjen e. Û di encamê de gelek ezmûnên qels rûdan û gelek rêzik û malik û peyvên bê wate, bi navê helbestê, ketin pirtûkxaneya kurdî de. Ev rûdan hêjî heye û berdewame, lê li kêleka wê wekî min got gelek dengên hêjayî xwendin û nirxandinê hene û karîne ta radeyeke bilind bibin binyada nûjeniyê û asoyên fereh li ber afrandin û derbirîna wê vekin.

 

-          Ev çend sale me çi berhemên te nedîtine, çima gelo ?

-         Raste, ji xwe min gotibû ku di 5 salan de min tenê 10 helbest nivîsandin, lê min çav lêye ku ta dawiya vê salê tiştekî binivîsim, û heye ku berhemeke nû biweşînim.

-          Ez behwerim pirsgirêka çap û belavirinê li def we mezine, gelo ji ber nebûna imkanên aborî ne yan nebûna dezgeh û weşanxana ne ?

-         Ji xwe ew pirsgirêk heye û darîçav e, lê sedemên wê jî hene. Li vî welatî kurdî qedexe ye, axaftin û nivîsîna bi zimanê kurdî qedexe ye, avakirina dezgeheke weşanê û çapkirin û belavkirina berhemên kurdî dikare bibe sedema girtin, işkence û carna mirinê jî. Di rewşeke weha de bi dehan berhem û destnivîs neçapkirî dimînin, rewşa abûrî jî rê nade ku yê nivîskar bixwaze berhema xwe bi serê xwe çap bike.  hinek weşanxaneyên kurdî li bakur û başûr vebûne, ew jî hemû caran berhemên me ji dest me nagirin,  wan çavên xwe berdane çend navên naskirî, xwiyaye ku pîvanên wan yên weşanê di bin barê sûda bazirganî, û têkiliyên dost û biratî, û carna jî siyaset û partîtiyê de asê mane.

-          Hûn di nava şoreşê de ne, û em behna azadiyê ji wî perçî ji xaka welat dikin, li gora we rewşa rojavyê welêt ber bi ku de ye ?

 

-         Rewşa rojava bi ya sûrî bi giştî ve girêdayî ye, em her hewl didin ku parçek ji vê şoreşê bin, dibe ku awayên me yên têkoşîna  ruxandina rejîmê ne mîna yên hrêmên din yên welêt bin, ji ber çawebe jî kolana Kurdî hinekî bi rêxistin e. û ji mafê meye ku em bi awayên xwe vê têkoşînê birêve bibn, ji ber vêjî neha kurd dikin ku destên rejîmê ji ser herêmên xwe rakin bêyî ku têkevin şer û pevçûnan. Kes nizane ev rewş ta kengî berdewam bikê lê her çawebe jî gelê sûrî kete rêya azadiyê ya bê veger û ew nema jê vedigerê.

 

Rojnama WAR

0 deng
28 Adar 2016 Hevîn Hiso (250 nirx) bersiv da
DENGEK  Jİ  LEHİYEK  HELBESTÊ, KEMAL  NECÎM
                                                            Cîhan ROJ
    Dibeku  we  jî  bihîstibe,  zivistanê  wextê  tu  tişt  namîne  ku  hirç  bixwe  wê  çaxê  bin  lingê  xwe  dialêse.Wextê  ez  li  Mêrdîn  bûm  weke  meseleya  hirç  gelek  caran  me xeyalên  xwe  dialêst;ji  bo  wêjeyê  her  derfet  û  alav  û  navgîn  hebû lê ji  alî  ramyarî,gengêşî  û  kirîteran  ve,nirxandinê  ve  valahî  û  kêmaniyek  mezin  xwe  dida  der.Carna   weke  xwezî  min  ji  Çiya  Mazî  re  digot dilê  li  vir  û  hişê  li  metropolan  û  li  Ewropa  bigihije  hevudu  dê  wêjeya  me  bi  pêş  bikeve.
    Dem  hat  ku  rastî  mîna  taviyên  biharê  bi  ser  xeyalên  min  êk  weke  hubur  de  barî..!Ez  jî  li  metropol  bûm  êdî..!Li  ser  înternetê  rastî  weke  kevirek  di  sîtilê  de  bikele.Ewqas  însanên  dilsoz ,keda  wan ,hewlên  wan  lê  rastiya  jiyana  Ewropa weke  kevirê  destarê  li  ser  wan  hewlan  digerî...Herkes  bi  dil  difikire...Dîsa  di  dest  gelek  kesan  de  çovek  veşarî;bi  yek  rexneyek  an  jî  nirxandinekê  re herkes  radihêje  şeltên boxçekirî  û  mîna  dîkê  berbangê  deng  qube  dike...
    Ma  ne  edebiyat  ji  edebê  dihat,ma  ne  helbest  ew  tişt  bû  ku  bibe  dengê dayikek  û  mîna  şerbet  biherike,ma  wêje  ne  şekirê  evînê  bû,ma  ne nivîskar  ew  kes  bû  ku  mîna  çirayek  li  dunya  tarî  pêketîbe,ma  ne  însan  birabûn  di  wêjeyê  de,ma  ne  rexne  ew  tişt  bû ku însan  û  berhema  wî/wê  bedewtirîn  dikir...Ma ne  me  herkesî  beriya  beriyê  dabû  pêş  xwe  ku  em  pêşî  bibin  pirek  daku  birîndar  di  ser  me  re  derbas  bibin ,birîndara  mezin  jî  ziman  bû...
    Na  ,ez  ne  dilreş  im,helbet  mirovin  henin  weke  dimsa  helandî , ,ji  dev de  şekir  dibarin,çerçawa  dayikan  carna  bi  keneke  şîrîn re  rexneya  herî  tûj  li  însan  digirtin  ew  jî  bi  heman  şêweyî  rexneyên  xwe  pêşkêş  dikin...Mirovin  delal  in  ew;tu  car  xwe  nadin  pêş  her  tiştî,bi  "çavê  min,ruhê  min..."merheba  li  însan  didin...dost  in  ew...Ranahêjin  mûçingê,ji  berhemekê  hew  ristek  an hevokekê wernagirin  ji  bo  ku  nivîskar  reş  bikin  û  xwe  hilkişînin  asîmanê  heftan...Dîsa  taviyên  gotinên  kesan  di  ser  însan  de  nabarînin  qaşo  pir  xwendine)...Ango  ew  ne  faşîstên  veşarî  ne;hun  jî  dizanin  ku  faşîst  ji  bo  pîleyek  berbijorve  hilbikişin  pê  li  serê  yekî  din  dikin...Rengê  vê  jî  bi   xof  e...
    Herku  ez  wî  nasnakim  jî  yek  ji  van  kesan  heye  ku  helbestên wî  roj  bi  roj  weke  kulîlkek  li ser  dilê  min  şîn  hatin;dengek  ji  lehiyek  demsala  helbestê,Kemal  NECÎM...
    Ez  ditirsim  ku  wextê  helbestekê  dinirxînim  jê  mînakan  bidim;dibe  ku  bi  nêziktêdayîn  û  şîroveyên  xwe  bandor  li  xwendevan  bikim  lê  bê  vê  jî  nabe.Kemal  NECÎM  bi  qasî  ku  ez  dizanim  bi  xwendevanên  li  Bakûr  ên  bê  "înternet"  biyan  e...
0 deng
28 Adar 2016 Hevîn Hiso (250 nirx) bersiv da

Helbestvan  li  Beyrûd  dijî.Di  nav  karwaniya  karê  wêjeyê  de  ye.Bi  qasî  ku  dizanim  xebatkarekî  kovara  "Rojda"   ye.Ev  kovar  jî  weke  cohoya  keda  şoreşê  ye...

          Di  helbestên  Necîm  de felsefe,kûrahiya  hestê  însan,reha  jiyanê  weke  muyek  bi  ava  biharê  re  biherike  tenik,sivik  û  serbest  e...Carna  weke  feylesofek ,helbesta  herî  mezin însan  e    dibêje  ji  me  re  bi  ristên  avî  re:

"Ew  helbestên  ku  min

ji  çavên  te  dizîbûn..."

 

Di  vir  de  hêza  derbirînê  careke  dî  li  me  tîn  dide.

          Taybetiya  herî  xwe  daye  der  di  helbestan  de  ev e   ku  Necîm  "çavgirtonekê"   nalîze;bi  qasî  bi  welatê  xwe  ,nirxên  xwe  gojî  bûye  ewqas  jî  bi  nirxên  Rohilat  û   modernîzma  Roava  gojî  bûye.Bi  kesayetiya  xwe  re  lihevkiriye.Ji  ber  rastiya  xwe  ne  fedîkar  e! Nirxa  ku  pê  bawer  e  diparêze,bê  xem  e  û  bi  gelek  tiştan  serbilind  e.Bi  serdeverû  xwe  navêje  paş  siya  hin  nêziktêdayînên  "Rojavayî"...Ew  bi  dengeke    hevrîşîmî  û  ewqas  bi  gazinc  û  serîhildêr  bang   li  însan  dike  dîsa   ji  bo  xatirê  însan...Li  dû  hesêbê  Mem  û  Zîn  e  ...Her  tişt  ji  bo  wî  di  zelalî  û  dilnizmiya  zarokan  de  ye...Bi  dû  ketiye  ku  jenga  li  ser  gelek  tiştan  paqij  bike.

"Mîna   zivistanê  bû

Wê  salê

bayê  Qerecdaxê

di  hembêza  Edûlê  de

pelikên  berfê

                diçinîn

û  bi  ser  riwê  te  de

                 berdabûn..!

       Dûrî,dilbirînî  û  hezkirineke  evqas  kûr ...Ev  jî  bûye  sedem  ku  carna Necîm  ber  bê  mîstîzmê  bikeve.Mecnûn  bi  bîr  tîne  carna:

"Min raserî  her  bîranîneke  te

Gundek  avakiriye

Êvar  bi  êvar

mîna  babadewrêşekî

li  kolanên  gundê  te  digerim..."

          Helbestên  wî  di  heman  demê  de  mîna  antolojiyek  têkel  e.Weke  pirtûkeke  dersê  ye.Ristek  carna  weke  deriyek  li hezar  deriyan  vebibe.Ka  li  vî  dengî  guhdar  bikin:

          "Ka  vegere  bêmal

          heme  carekê..."

          Ku  we  dengbêjan  guhdarî  kiribe  ev  rist  besî  we ne  ku  hun  baskên  çavan daxînin  û  bi  ser  riyên  kûr  û  dûr  bikevin.(Em  bi  bîr  

0 deng
28 Adar 2016 Hevîn Hiso (250 nirx) bersiv da

Ku  we  dengbêjan  guhdarî  kiribe  ev  rist  besî  we ne  ku  hun  baskên  çavan daxînin  û  bi  ser  riyên  kûr  û  dûr  bikevin.(Em  bi  bîr  bixin  ku  ev  forma  ku  bi  "ka"  destpêdike  wateyek  mezin  dihewîne.Mêr  bi  vê  re  lavakarê  jinê  ye.Hurmetê  jî  dihewîne.")

          Tişta  ku  wî  herî  diêşîne  cardin  ew  tişt  e  ku  rê  û  hêz  dide  wî:

            "Min hemû  bîranînên  te

           di  piyalek  "dem"  de

          meyandin..."

       Û  şevbuhêrkan  qatên şevan,kelakela  çîrokan,axîn  û  bilindahiya  evînan  bi  bîra  me  dianî.Necîm firçe  li  vê    formê  jî  daye,ew  careke  dî  tîr  straye:

         "Û  di  şevbuhêrkên  şînê  de..."

          Û  cotê  xwe  li  erda  dîroka  bi  birîn  rastkiriye:

           "Beyrûd,Rewşê,Deryaya  sipî

             Tenê  ez  û  tu

            hemwelatiyên  serhildanên  hilweşiyayî  bûn...

           .......................................................................

         ji  bilî  demsalên(Vîvaldî)

         gellek  sîmfoniyên  din

         di  bêdengiya  te  de

        westiyabûn.

          Bi  van  ristan  jî  me  digihîne  keviyên  modernîzmê.Hêz  û  efsûniya  hunerê  ,me  diavêje  ser  baskên  hunerê...Belê  demsala  hunerê;ev  demsal  e  ku gelek  kesan  jî  ew  weke  demsala  pêncemîn  binavkirine..

          Necîm  realîst  e  jî;bi  qasî  hêz  û  evînên  însan  qelsî  û  wê  kêliya  tenêtiyê  ku  însan  ji avê  teniktir  e  û  ji  benan  jî  benek  hevrîşîmî ye  jî  bi  me  re bêyî  ku  peyvan  boyax  bike  pavre  dike:

          "Tenê  ez  û  baranê

  du  serhildanên  hi,lweşiyayî.."

          Hêla  herî  serkeftî  ev e  ku  bi  zimanek  evqas  nerm  û  dengek  zirav  xemên  herî hişk  ên  şer  der  dike:

          "Du  awiran

newroz  bi  hev  diguhestin

Du  newrozan

gustîlk bi  hev   diguhestin

Lê  Beko."

     Ew  silav  li  miriyan  jî  dide,av  li  çavên  me  vedireşîne  ku  hê  jî  tişta  dişewite  bi  araviya  xwe  li  ber  keviyên  riyan  e:

    "vê  newrozê  jî

dîsa...

li  ber  keviya   vê  rê

li  hêviya  te

şewitî,bû  xwelî

lê...

Ne  tu  hat,

Ne  jî  newroz

mîna  her  sal

dişewitî..!"

          Çi   dibêje  Necîm:"Agir  di  temenê  me  de  dişewite."  û   dibêje  û  vedibêje:

"Dengvedana  dîrokeke  rizîyayî

li  bîra  me  dixe

mêraniyeke  stûxwar,qêrîna

serhildanên  hilweşiyayî  û

komareke  bidarvekrî

hişyar  dike.."

          Di  jiyanê  de  weke  kareset  tête  binavkirin  ku  carna  kesên  li  paş  dikê  mîna  aveke  ji  lêvên  belekiyan  ve  bêdeng  diherikin   ....û  ...û  hin  tişt  hew  di  hin  kesan  de dibin  sîmbol  û  herkes  xwe  li  wê  dengê  gurgureyê  digire...Bi  hêvîme  ku  wê  di  demê  pêş de şagirtên  kurd  di  keresiyên  bexçeyên zanîngehan  de helbestên  Necîm  û helbestên  wek  wan  helbestan  bi  dilek  fireh  bixwînin ji  heval  û  evîndarên  xwe  re...

 

 

0 deng
4 Nîsan 2016 Serkeftin Xemgin (370 nirx) bersiv da
0 deng
4 Nîsan 2016 Serkeftin Xemgin (370 nirx) bersiv da
0 deng
4 Nîsan 2016 Serkeftin Xemgin (370 nirx) bersiv da



Berhma nû ya helbestvan Kemal Necim derket
Dîrok: الأثنين 03 يوليو 2006
Mijar: Nûçe
 

image 

Bîstikek Guneh
Çaxê Ku Havîn Hîna Terbû
Berhma nû ya helbestvan Kemal Necim derket



Pit‏î qûnaxa çar salan, ji çapkirina pirtûka wî ya helbestê ya yekemîn, ku bi navê KZÎZER bû, pirtûka diwemîn ya helbestvanê kurd Kemal Necim, bi navê (Bîstikek Guneh.. Çaxê Ku Havîn Hîna Terbû, li قamê hate çap kirin, û gihî‏te destê xwendevanê xwe.


 

Ev berhevoka helbestî, ji 100 rûpelî pêk tê, û di nava xwe de 19 helbest dicivîne.
Helbestên Kemal Necim ji cûreya helbesta kurdî ya nûjenin. Bi zimanekî ‏ayik û sivik hatine nivîsandin. Bi navnî‏anên xwe yên dirêj, balkê‏ û xwyane. Wêneyên helbestên wî, tezene, û bi xwe‏ik bûna xwe, mirov diveciniqînin, û matmayî dihêlin. 
Tablo ya qabê, ya hunermendê Kurd Re‏îd Hesso ye. Pê‏gotina pirtûkê, helbestvan Ho‏eng Osê nivîsandiye. Navên helbestên wî evin:
Her Navî Çend Helbestan
Carekê Temenê Xwe Dipîvim / 6
Dastana Egîdekî / 18
Bîst‎kek Guneh
Bîst‎kek Xwê / 23
Dîsa J‎ Hemwelat‎ya Baranê Re / 25
قevek Zîv / 28
Xweliya Min Tevnede / 33
Di Wateyan De Kûr Neçe / 35
Sernivîsên Helbesteke Havînî / 28
Sersala Genim / 41
Destnivîs / 44
Bendêmayîn / 49
Sê Vexwendin / 52
Çend Nameyên Kurmancî
Ji Neviya Salarê Xwînî Re / 56
Guhertin / 63
Rojnivîsk / 67
Ji Berf Û Qe‏ayê Re
Çaxê Ku Havîn Hîna Ter Bû / 75
قevek Çar‏emî, Ku Bi Heyv Be / 79
Ne Xwezî Bi Duh
Bêje Silav Û Derbas Be / 89
Heye Ku Ne Ew Be Jî / 93



 

...