Hûn bi xêr hatin! Her pirsa di serê we de hun dikarin bipirsin, ji bo pirsên endamên dîtir kirî bersivan binivîsin an jî zanyariyên dîtir parve bikin.

Kitêba Tewarîxê Cedîdê Kurdistan çi ye?

+1 deng
51
15 Nîsan 2016 Di beşa Pirtûk de Hertişt (24,620 nirx) pirsî
Kitêba Tewarîxê Cedîdê Kurdistan çi ye?

1 bersiv

0 deng
15 Nîsan 2016 Agirî Soran (5,480 nirx) bersiv da
Pirtuka windabûyî ya Dîroka Kurdistanê ya demekê ya Mele Mehmûdê Bazîdî ye.
Pirtuk hetanî neha nehatiye dîtin.
Bi xêra A.Jaba tê zanîn pirtukeke wisan di sala 1857 ê de ji aliyê Mele Mehmûdê Bazîdî ve hatiye nivîsîn.
Mele Mehmûd pêşgotineka berfireh û naveroka vê pirtukê nivîsiye û raveyî gelek kesan kiriye da hizrê wan bigre.
Alexandere Jaba ev wergêr û naverok wergerandiye Fransî. Pêşgotina Mele Mehmûd ji 50 rûpelê a4 pêk tê.
A. Jaba ev pêşgotin raveyî Akademiya Zanistî ya Petersburgê kiriye da zana û rojhilatnasên Rûs şirive bikin.

Pirtuk ji 11 beşan pêk hatiye û ev beş li ser mîrekiyên Kurdan hatine nivîsîn.
Naveroka pirtûkê weha hatiye nivîsîn;

Fîhrist (Naverok)
Beşa Yekê; Bûyerên ji sala 1785 an heta sala 1857 an yên li wilayeta Erziromê qewimîne.
Beşa duduyan: Bûyerên li êrdêma Rojkî, ku bajarên wê yên serekî Bedlîs û Mûşin.
Beşa Sisêyan: Bûyerên êrdêma Mehmûdî, ku jêre Mehemedan dibêjin û bajarê wê yê sereke Xoşeb e.
Beşa çaran: Bi kurtî bûyerên li welayeta Wanê qewimîne.
Beşa pêncan: Bi kurtî bûyerên li Hekarê qewimîne.
Beşa şeşan: Bûyerên li Rewandizê qewimîne.
Beşa heftan: Bûyerên Behdînan, ku bajarê wê yê sereke Amêdê ye.
Beşa heştan: Bûyerên li Botan qewimîne, ku bajarê wê yê sereke Cizîr e.
Beşa nehan: Bûyerên êrdêma Silîvan, ku bajarê wê yê sereke Bazîd e.
Beşa dehan: Bûyerên Qersê û dagirtina wê bi destê Rûsan.
Beşa Yazdehan: Bûyerên Azerbaycanê û her weha yên Xoyê,Tebrîzê, Yêrîvanê, Ûrmê, Meraxê û Makûyê qewimîne.

Çavkanî : Camieya  Risaleyan û Hikayetên bi zimanê Kurmancî Mele Mehmûdê Bazîdî dazanînên destpêkê yê amadekar Ziya Avci.
...